Këngëtarja e njohur britanike Adele i ka dhënë fund martesës së saj me bashkëshortin Simon Konecki.
Lajmin e ka konfirmuar vetë këngëtarja përmes një deklarate nga përfaqësuesit për shtyp të saj, ndërsa thonë se Adele kërkon që të ruhet privatësia e saj dhe e familjes.
“Adele dhe partneri i saj janë ndarë. Ata do ta rrisin djalin e tyre plot dashuri. Si gjithmonë Adele dhe Simon kërkojnë privatësi. Nuk do të ketë komente të mëtejshme,”-thuhet në deklaratë.
Një lajm i tillë ka qarkulluar prej kohësh në media, por duket se vetëm tani këngëtarja e shumë hiteve ka vendosur ta ndajë me fansat e saj. Adele dhe Konecki janë lidhur që në vitin 2011 dhe në 2012 sollën në jetë djalin e tyre Angelo.
(E.K/FAXWEB.AL)
Discussion about this post