Adele përplaset me punonjësin e sigurisë në koncert

Adele ka ndërprerë koncertin e saj në stadiumin e Melburnit “Etihad Stadium” Australi, duke i ulëritur një punonjësi të sigurisë, shumë i ashpër në sjellje, i cili po i kërkonte publikut të ulej dhe të mos kërcente.

Sipas dëshmitarëve këngëtarja britanike, gjatë këtij momenti u duk shumë e zemëruar:

“Nëse nuk mund të kërcejnë, për çfarë dreqin kanë ardhur të bëjnë në një spektakël muzikor”, – ka thënë ajo duke iu drejtuar punonjësit të sigurisë. Pasi njoftoi se tashmë është një grua e martuar, pikërisht nga skena në një koncert në Australi, Adele ka treguar para fansave edhe anën e saj “të errët”.