Në ka një emër të gazetarisë shumë të dashur për publikun shqiptar ai është padyshim Adi Krasta. Prej muajsh ai është rikthyer në ekranin e “Top Channel” duke drejtuar emsionin e të dielës.
Po mesa duket për tu gjetur edhe më pranë publikut ai ka vendosur të përqafojë edhe komunikimin me mediat e reja dhe në rrjetet sociale.
Tashmë transmetimin e programit përveçse në television, Krasta ka vendosur ta bëjë edhe përmes ‘LIVE’-it në “Facebook”.
Sa kohë që të njëjtën praktikë e ndjekin të gjithë politikanët, s’ka arsye pse të mos e ndjekë edhe një nga njerëzit më të pëlqyer të medias.
‘’Programin e ardhshëm E Diell kam menduar ta transmetoj live në FB tim. Kjo nismë ndërmerret për ata shikues që për arsye të ndryshme nuk munden të përcjellin transmetimin në televizor.
Transmetimi live nga FB im fillon këtë herë që nga momenti kur unë mbërrij në zyrat dhe studiot e TCH nga shtëpia. Që ju ta vizitoni faqen gjatë atyre orëve është e rëndësishme për mua, siç ka qenë gjithmonë’’, shkruan vetë Krasta. (E.K/SHUPLAKA)
Discussion about this post