Shumë shpejt Adi Krastën do ta shohim nën drejtimin e një programi televiziv. Që pas largimit nga “Top Channel” moderatori e ka kaluar në heshtje këtë periudhë pa dashur të jetë pjesë e lajmeve, apo e thashethemeve, duke u përpjekur që përherë të flas me punën e tij.
Megjithatë Krasta nuk i ka thënë jo drejtimit të festivalit të fundvitit në RTSH, dhe me siguri që do të shkëlqejë si zakonisht.
Mësohet se këtë vit festivali do të jetë ndryshe nga vitet më parë, pasi shumë emra të vjetër të muzikës do të jenë pjesë e tij si Elton Deda, Manjola Nallbani, Redon Makashi, Bojken Lako, David dhe Genc Tukiqi e sidomos grupi “Akullthyesit”, një nga më të pëlqyerit e viteve ’90.
Sigurisht do të ketë edhe emra të rinjsh të cilët e përballojnë më së miri të kënduarin “live” si Orgesa Zaimi apo Eugent Bushpepa. Siç edhe dihet fituesi i këtij festivali do të na përfaqësojë në “Eurovizion” dhe emri i tij do të shpallet nga 3 anëtarët e jurisë të cilët ende nuk janë zbuluar.
(E.K/FAXWEB)
