Shkëlqim Selami ka reaguar pas vendimit të Gjykatës Administrative për të rrëzuar përfundimisht kërkesën e ish-deputetit Shkëlqim Selami për të shpallur të pavlefshëm vendimin e KQZ-së për heqjen e mandatit.
Në reagimin e tij, Selami shprehet se mbizotëroi sërish antiligji. Pavarësisht pretendimit të tij se gjykata do të merrte një vendim të drejtë, u faktua edhe një herë se vijon “shablloni i marrjes së vendimeve me opinion”.
Ai thekson më tej se nuk ka asgjë të vërtetë në akuzën e ngritur ndaj tij dhe thekson se nuk do të mundet fot që ta bëjnë pjesë të llumit të tyre. Shkëlqim Selami bën me dije se beteja e tij për arritjen e drejtësisë do të vazhdojë.
Reagimi i Shkëlqim Selamit:
Sot edhe njehere mbizoteroi anti ligji . Prisja qe gjykata te bazohej ne prova dhe te merrte nje vendim te drejte por me kot vazhdon shablloni i marrjes se vendimeve me opinion hahaaaha.
Qesh dhe ndihej keqardhje per keta njerez qe llumi i ka kapur nga gryka. Llumi qe po merrte ajer me kallemb se jane mbuluar komplet nga llumi qe mundohen ta pastrojne por eshte e kote se ka zene shume shtresa dhe e pa mundur te pastrohet.
Nese ka nje gje ne kete akuze eshte qe nuk ka asgje dhe prandaj qesh me fatkeqesine e tyre qe mendojne te me bejne pis me llumin e tyre , qe nuk ka lume, det dhe oqean ta laje llumin hahaahaaaahaaa.
Respekt per miq e mi dhe qytetaret e Vlores qe jane ne krahun tim dhe u them se do me kene prane problemeve dhe halleve te tyre gjithmone . Beteja ime do vazhdoje deri ne arritjen e drejtesise. Perqafime te sinqerta!
(XH.A/SHUPLAKA)
Discussion about this post