Ambasada Italiane ka uruar shqiptarët dhe institucionet përgjegjëse për angazhimin e treguar në administrimin e zgjedhjeve.
Në një reagim të shkurtër, ambasada shpreh përgëzimet për deputetët e zgjedhur, me bindjen se ata do të dinë t’i përgjigjen besimit që u kanë dhënë qytetarëve për përparimin me reformat.
“Ambasada italiane në Tiranë uron qytetarët dhe institucionet shqiptare për angazhimin e treguar në administrimin e zgjedhjeve. Paraqet përgëzime të sinqerta për deputetët e zgjedhur, me urimin se do të dinë t’i përgjigjen besimit që u kanë dhënë qytetarëve shqiptarë për të çuar përpara procesin e reformave drejt integrimit të plotë në BE. Italia do të vazhdojë të mbështesë Shqipërinë në rrugën e saj.”, shkruhet në urimin e ambasadës.
(XH.A/SHUPLAKA)
