Një ngjarje tronditëse ka ndodhur në Miami të Shteteve të Bashkuara të Amerikës, pasi një adoleshente ka kryer një vetvrasje dhe e ka transmetuar LIVE në Facebook, aktin e vetëflijimit.
Departamenti i Fëmijëve në Florida ka konfirmuar se 14-vjeçarja e ka kryer vetëvrasjen në banjën e shtëpisë së prindërve të saj, në mbrëmjen e së dielës.
Video LIVE e adoleshentes në Facebook ka zgjatur rreth 2 orë, deri në momentin kur ajo mori një shall për të kryer aktin e vetëvrasjes, ka raportuar Miami Herald.
“Jemi totalisht të shokuar nga ajo që ndodhi. Do të bëjmë gjithçka për të përkrahur familjen në një moment të vështirë si ky, për të marrë veten nga tragjedia”, është shprehur një i afërm i adoleshentes.
Autoritetet janë përpjekur që ta shpëtojnë 14-vjeçaren , por nuk ia kanë arritur sepse nuk kanë mundur që të vijnë në kohë, ndërsa kur ka mbërritur policia në shtëpinë e prindërve të Nakias,e kanë gjetur trupin e saj të vetëvarur në banjë. (K.P/Shuplaka)
