Adriatik Lapaj ka prezantuar pasditen e sotme lëvizjen “Shqipëria bëhet”. Ashtu siç ishte lajmëruar edhe më herët, Lapaj bëri sot publike disa nga pikat e kësaj lëvizjeje.
Për të është me rëndësi shembja e sistemi aktual ekonomik në Shqipëri, e cila është e përqëndruar në pak duar. Përmes ligjit Lapaj dhe lëvizja e tij synojnë rishpërndarjen e pasurisë së vendit.
Adriatik Lapaj: “Duhet të shembim sistemin e kapjes së ekonomisë së shtetit nga pak duar. Kujtoj këtu ligjin për koncesionet, ligjin për PPP. Duhet të rishpërndajmë pasurinë e vendit përmes një kuadri të ri ligjor. Për të arritur këtu, duhet të shkojmë aty ku ka burimin problemi”, tha Lapaj.
Gjithashtu me rëndësi për të është hapja e garës politike. Në Shqipëri ka probleme me garën reale, pasi për Lapajn populli është thjesht dekor. Gjithçka komandohet nga kolltukët e Tiranës, prandaj nevojiten referendumet dhe demokracia e drejtpërdrejtë.
Adriatik Lapaj: “Duhet të hapim garën politike. Nëse s’ka garë politike, s’mund të ketë asnjë garë tjetër në vend. Populli sot është dekor i një republike që komandohet nga kolltukët e Tiranës. Duhet të miratojmë ligjin për referendumet dhe të sjellim demokracinë e drejtpërdrejtë. Nuk ka rrugë tjetër përveç bashkimit”, u shpreh Lapaj.
Discussion about this post