Adriatik Lapaj rreth takimeve jashtë Shqipërisë: Shoh më shumë pesimizëm këtu, sesa optimizëm jashtë

I ftuar në intervistën e Fax News, themeluesi i Lëvizjes “Shqipëria bëhet”, Adriatik Lapaj, foli rreth aspiratave të tij dhe lëvizjes.

Lapaj u shpreh se “Shqipëria bëhet” do kandidojë në zgjedhjet parlamentare të vitit 2025. Ai u shpreh se qëllimi i saj është të imponojë 4 pika:

-Depolitizimin e administratës:

-Ligjin për referendumet:

-Vota e diasporës;

-Listat e hapura.

Lapaj tha se këtë nisje nuk e sheh si një çështje individësh, por si një çështje kauze.

“Kemi zgjedhur formën e bashkëbisedimeve me qytetarët, sepse na jepet mundësia të ofrojmë këndvështrimin tonë dhe ata këndvështrimin e tyre”, tha ai.

I pyetur nga Jonida Omeri se si shprehen shqiptarët e diasporës, përsa i përket lëvizjes “Shqipëria bëhet”, Lapaj u përgjigj duke habitur:

“Jam çuditur për mirë. Shqiptarët që kanë ikur vitet e fundit, e kishin mendjen për t’u kthyer, Më shumë se 70-80% e shqiptarëve që kam takuar në Shba, janë shprehur se janë të gatshëm të kthehen, nëse vendi demokratizohet. Shoh më shumë pesimizëm këtu, sesa optimizëm jashtë”.