Gjatë takimit me votuesit e rinj në qytetin bregdetar të Vlorës, kryeministri Edi Rama ka premtuar se do të ndërtojë një aeroport të ri, përveç atij të Rinasit apo në Kukës, edhe në këtë qytet.
“Ne kemi filluar dhe jam i bindur se do ta realizoj. Do të ndërtojmë një aeroport për Vlorën, jo një pistë turistike, por një aeroport rajonal për njerëzit dhe për mallrat, një pol zhvillimi që do ta bëjë Vlorën një nga qytetet më të vizituara të Mesdheut dhe që do ta bëjë bregdetin e Jonit një nga zonat më turistike të Mesdheut dhe që do të mundësojë të gjithë avionëve të jugut që të mos shkojnë deri në Tiranë të marrin avionin. Kjo nuk është përrallë, por një realitet, saqë është sot realitet policia që duam.”, ka deklaruar kryeministri.
Ndër të tjera, gjatë këtij takimi ai u ka bërë thirrje të rinjve që të votojnë për PS-në, duke u bërë edhe një kërkesë që të marrin në parti edhe ata që më përpara kanë votuar për PD-në.
“Më 18 Qershor duhet të sillni që të votojë çdo të afërm, shok tek lagjia, shok klase apo edhe ata që kanë votuar për PD, merreni dhe silleni te PS te partia e përbashkët e të gjithëve atyre që e duan Shqipërime.
Më 18 qershor kush voton për herë të parë ka një mundësi por ka dhe një detyrim për të marrë hak për pronat që u grabitën në çerek shekulli. Për të marrë hak për gratë dhe vajzat që u përdhunuar.”, u shpreh Rama. (D.D/Shuplaka)
