Pas reagimit të mediave prestigjoze ndërkombëtare për çështjen e grabitjes, të 6.5 milion eurove, në aeroportin e Rinasit, një shkrim dedikuar ngjarjes kanë bërë edhe mediat kineze.
Media kineze South China Morning Post në shkrimin e saj ka vendosur t’i referohet pikërisht përplasjeve midis qeverisë dhe përfaqsuesve të kompanisë koncensionare kineze që menaxhon aeoroportin e Rinasit.
Në shkrimin e saj media kineze ka përshkruar situatën në të cilën ndodhet aeroporti tashmë, pas grabitjes “së tipit Hollywood-ian” sikurse ajo shprehet, me prezencën e forcave të armatosura për ruajtjen e sigurisë në aeroport dhe replikave qeveri koncensionar për çështjen se kujt i takon përgjegjësia për rastin.
Në mënyrë të përmbledhur referuar rastit, ajo shkruan:
“Shqipëria vendos ushtrinë për të mbrojtur aeroportin ndërkombëtar të kryeqytetit të operuar nga kinezët, pas një vjedhjeje të stilit të Hollywood-it në pistën e aeroportit.
Ushtarë të armatosur kanë mbushur pistën e aeroportit të kryeqytetit shqiptar pasi janë vjedhur disa miliona euro që ishin destinuar për tu dërguar në Vjenë përmes linjës ajrore Austrian Airlines.
Përfaqsues të qeverisë dhe drejtues të kompanisë Kina Everbright Limited me qendër në Hong Kong, që menaxhon aeroportin, kanë shkëmbyer replika se kush e ka përgjegjësinë për sigurinë.”
Ndërkohë kujtojmë se në lidhje me rastin qeveria e Shqiptare ka urdhëruar vendosjen e trupave ushtarake për të mbrojtjen e aeroportit ndërkombëtar të vendit duke kritikuar kompaninë kineze për keqmenaxhimin e objektit, pasi grabitës të armatosur kanë marrë çantat me para që ishin bërë gati për t’u ngarkuar në avionin e linjës Austria Airlines.
Ndërsa ashtu sikurse Ministrja e Mbrojtjes, Xhaçka është shprehur ,qeveria nuk do të “lejojë më që siguria e qytetarëve dhe imazhi i vendit të cënohen “, ndërkohë që kjo është vjedhja e dytë gjatë tre vjetëve të fundit.
Po ashtu kujtojmë se reagim për ngjarjen ka bërë dhe Ministri i Brendshëm Sandër Lleshaj i cili e ka akuzuar kompaninë kineze për “papërgjegjshmëri permanente” duke deklaruar se “kompania kineze nuk e kishte lajmëruar policinë për vjedhjen. Ndërkohë për rastin nuk ka munguar as reagimi i përfaqsuesve të opozitës, të cilët janë shprehur se qeveria kishte demostruar “inkompetencë të cuditshme”
Kurse përfqasuesi i kompanisë së koncensionarit kinez deklaroi se “Aeroporti nuk i përket kinezëve, por të gjithë shqiptarëve. Kjo është një pjesë e territorit të Shqipërisë dhe është e mbrojtur me ligj nga Policia e Shtetit, ashtu si çdo pëllëmbë e këtij vendi… ”
