Bizneset duhet të dorëzojnë brenda datës 10 janar pranë Drejtorive Rajonal inventarin e datës 31 dhjetor 2016 në variantin analitik, ndërkohë që elektronikisht kjo duhet të bëhet nga sistemi e-filling në rubrikën dokumentet e mia.
Gjithë ky aksion vjen në një vit shumë të diskutueshëm përsa i përket barrave tatimore për bizneset. Ka pasur aksione të herëpashershme në mënyrë që tregu të formalizohet.
Në një shkresë të fundit të dërguar nga ana e drejtorisë rajonale të Tiranës, subjekteve u kërkohet që të respektojnë afatet në mënyrë që të mos hasin penalizime të tjera që sanksionohen në ligjin “Për procedurat tatimore”.
Në shkresën e tatimeve thuhet se “Mosdhënia e informacionit të kërkuar nga administrata tatimore brenda afatit dënohet me gjobë sipas nenit 126 të ligjit 9920 Për procedurat taimore i ndryshuar”.
Kjo do të thotë që çdo biznes që nuk respekton kërkesën do të gjobitet në masën 10 deri në 50 mijë lekë. Nga ana tjetër Tatimet paralajmërojnë se përveç gjobës procedura e radhës që do të pasojë refuzimin e dhënies së informacionit do të jetë ajo e verifikimit në vend nga ana e administratës tatimore të Drejtorisë Rajonale në Tiranë.
Discussion about this post