Drejtoria e Përgjithshme e Taksave dhe Tarifave Vendore ka publikuar taksat dhe tarifat vendore që duhet të paguajnë tatimpaguesit e Bashkisë së Tiranës për vitin 2018, si dhe afatet kohore për secilën prej tyre.
Sipas njoftimit të DPTTV Tiranë, brenda datës 20 prill të këtij vitit duhet të kryhet tarifa e pastrimit dhe taksa e infrastrukturës arsimore.
Po ashtu, po brenda kësaj date taksapaguesit duhet të paguajnë edhe taksën mbi truallin dhe taksën mbi tokën bujqësore, këstin e parë që përfshin 50% të vlerës. Ndërkohë, afati për pagesën e këstit të dytë (50% të vlerës) është përcaktuar deri në datën 30 qershor 2018.
Sa i takon taksës së tabelës dhe taksës mbi ndërtesë, pagesa për këstin e parë (3 mujori i parë) do të bëhet deri në datën 20 prill të këtij vit.
Njoftohen taksapaguesit e Bashkisë Tiranë se:
Janë gjeneruar taksat dhe tarifat venore për vitin 2018.
Pagesa e Detyrimit për vitin tatimor duhet të kryhet:
-Tarifa e Pastrimit dhe Taksa e Infrastrukturës Arsimore brenda datës 20 Prill 2018
-Taksa mbi truallin, Taksa mbi Tokën Bujqësore: Kësti 1 (50% e vlerës) brenda datës 20 Prill 2018
Kësti 2 (50% e vlerës) brenda datës 30 Qershor 2018
Taksa e Tabelës, Taksa mbi Ndërtesën : Kësti 1 (3 mujori i parë) brenda datës 20 Prill 2018
Sqarim: Përllogaritja e detyrimeve tatimore vendore për 9 mujorin (Prill-Dhjetor) për sa i përket Taksës së Tabelës dhe Taksës së Ndërtësës, do të kryhet me hyrjen në fuqi të Ligjit Nr. 107/2017 Për disa shtesa dhe ndryshimenë Ligjin 9632 , datë 30.10.2006 Për Sistemin e Taksave dhe Tarifave Vendore, i ndryshuar për të cilin do t’iu komunikohet Njoftim Detyrimi sipas këstit të 2-të)
(E.L/Faxweb)
