Afati i fundit deri në mesnatë, Basha zyrtarizon kandidaturën e tij për kreun e PD-së

Mesnata e sotme është afati i fundit i regjistrimevepër garën e kreut në Partinë Demokratike, mirëpo duket se kryetari që ka ngrirë funksionet e veta, e ka zyrtarizuar sot kandidaturën e tij. Të paktën kështu shkruan gazeta “Panorama”, e cila i referohet burimeve brenda selisë blu.

Në listën e kandidatëve të cilët garojnë për kreun e PD-së, deri më tani bëjnë pjesë vetëm 5 emra. 

I pari i cili bëri zyrtarisht kandidaturën ishte deputeti Eduart Selami, i cili u shpreh se pret që gara të jetë e hapur dhe e ndershme. 

I dyti që shpalli kandidaturën e tij ishte demokrati Astrit Sinanaj, i cili e shpalli kandidaturën e tij për kreun e PD me anë të një postimi në rrjetet sociale.

I treti ishte lektori dhe kandidati i 26 në listën e Partisë Demokratike Erion Piciri, i cili po ashtu e shpalli kandidaturën e tij për  e kreut të PD-së  me anë të një postimi.

I katërti është deputeti Astrit Patozi, i cili e shpalli kandidaturën e tij për kreun e PD-së në një deklaratë për mediat nga selia e Partisë Demokratike. Patozi gjithashtu kërkoi dhe kushtet për Bashën si dhe shtyrjen e datës së caktuar për mbajtjen e zgjedhjeve . (D.D/shuplaka)