Kryetari i Partisë Republikane Fatmir Mediu deklaron në emër të opozitës, se nuk ka më kthim mbrapa në kërkesat e tyre për zgjedhje të lira dhe të ndershme.
Në orët e fundit të përfundimit të afatit për t’u rregjistruar në zgjedhje, Mediu deklaron se asnjë karrige nuk vlen sa shenjtëria e votës së qytetarëve.
“Asnjë karrige s’vlen sa shenjtëria e votës së qytetarëve. Ne jemi për të vendosur për zgjedhje të lira dhe të ndershme dhe kthim mbrapa nuk ka. Nuk pranojmë që shqiptarët të konsiderohen si njerëz të dorës së dytë. Para pak ditësh patëm disa miq nga Evropa. Ne duam t’i kthejmë pushtetin shqiptarëve. Qëndresa dhe angazhimi juaj është forca që ne të fitojmë së bashku, jo vetëm ne si politikanë, pasi e ardhmja evropiane qëndron tek forca e votës. Ju falënderoj për qëndresën tuaj. Zoti e bekoftë Shqipërinë”, deklaron Mediu.
Partitë që duan të rregjistrohen në zgjedhjet e 18 qershorit, kanë kohë deri në orën 00:00 të mesnatës së sotme. (D.D/Shuplaka)
Discussion about this post