I ftuar në “Tonight Ilva Tare”, analisti Afrim Krasniqi tregon se partia më e pasur politike në Shqipëri është pikërisht Lëvizja Socialiste për Integrim, e udhëhequr nga kreu i Kuvendit Ilir Meta.
Megjithatë, sipas Krasniqit, LSI është e vetmja parti politike e cila i ka deklaruar publikisht donatorët e saj.
“Kur partitë janë në pushtet kanë gjithmonë të ardhura më të mëdha, jo për shkak të parave që marrin nga buxheti i shtetit, por shkak të aseteve që krijojnë nga përdorimi i pushtetit. Së dyti, Partia më e pasur del partia më e tretë politike, e cila ka deputetë në numër më të vogël se opozita. Ndryshe nga partitë e tjera, ka deklaruar një listë njerëzish donatorësh publikë, ndërkohë që partitë tjera nuk e kanë deklaruar.”, shprehet Krasniqi.
Ndër të tjera Krasniqi shton se fakti që LSI është e vetmja parti që i ka deklaruar donatorët e saj publikë, kjo nuk do të thotë domosdoshmërisht se është partia më e drejtë se të tjerat, pasi nuk dihet nëse deklarimet janë bërë në mënyrë të qëllimshme apo jo.
“Po, por nuk e dimë nëse e kanë bërë me qëllim sepse asnjëra prej tyre nuk e ka ditur se çfarë deklaron tjetri. Është një lloj tenderi. Partitë deklarojnë në KQZ nga 100-104 mijë anëtarë, por njëra thotë se anëtarët e mi nuk kanë paguar asnjë lek kuota, që është rasti i opozitës dhe pala tjetër jep një shifër shumë të lartë. Nuk kemi një sistem unik nëse anëtarët paguajnë apo jo.”, shton Krasniqi. (D.D/Shuplaka)
Discussion about this post