Mërgim Mavraj thuhej se ka problem me Kombëtaren shqiptare, pasi priste të merrte shiritin e kapitenit pas largimit të Lorik Canës. Prej kohësh shiriti i ishte besuar numrit 5 të Kombëtares dhe polemikat për zëvendësimin e tij padyshim që nuk munguan.
Por, një mendim të tillë nuk e ndan edhe Gianni de Biasi, i cili tha se Mavraj është pjesë e programit të tij dhe nuk ka asnjë problem.
Ai po ashtu tregoi pse Agolli mori shiritin e kapitenit e jo Mavraj.
“Është një budallallëk që ka dalë nga mediet. Mavraj është i përfshirë në programin tonë të kombëtares. Ai na vlerëson shumë, i pëlqen gjithashtu që të jetë kapiteni, por për hierarki moshe dhe numër ndeshjesh, Agolli ka më shumë eksperiencë. Kur Agolli ta lërë futbollin dhe nëse Mavraj do të sillet mirë, do të jetë kapiten”, tha Gianni De Biasi për Top Channel. (E.K/SHUPLAKA)
