Andrea Agostineli është revoltuar me arbitrimin e ndeshjes në Kukës ndaj vendasve. Trajneri italian i Skënderbeut ka folur pas ndeshjes për “SuperSport” në humbjen e shkaktuar ndaj verilindorëve.
“ Ishte një ndeshje pa emocione të mëdha, megjithëse mendoj që e kontrolluam pavarësisht rezultatit. Ishte një rezultat që nuk e prisnim dhe nuk e deshëm, por duhet të themi se është një sfidë për të cilën ka shumë për të thënë. Natyrisht jemi të pakënaqur nga episodet që ndodhen. U munduam me Salihin të shënonim, me dy gjuajtje në portë por nuk ja arritëm. Tek goli i parë i Pejiç ishte gabimi ynë që nuk duhej të ndodhte, ndërsa penallti e mbylli takimin, që për mua është shumë e diskutueshme. E gjithë ndeshja u vendos nga dy episode”-tha Agostineli.
M.E
