Skënderbeu ndalet në barazim 0-0 ndaj Teutës. Andrea Agostineli ka përgëzuar skuadrën për lojën e zhvilluar në Durrës pavarësisht rasteve të humbura.
Tekniku italian theksoi ndër të tjera mungesën e një penalltie të padhënë nga gjyqtari Jemini, kur portieri Moçka ndërhyri ndaj Salihit pa top.
“Jam shumë i kënaqur nga ekipi, kemi krijuar 8-9 raste për gol. Na është mohuar dhe një penallti. Nuk kam çfarë të them pasi gjëra të tilla ndodhin. U kam bërë komplimentave lojtarëve, nuk kemi ç’të bëjmë, do vazhdojmë të luftojmë për kërkimin e golit në vazhdim”
Gjendja psikologjike e lojtarëve
“Mund të jetë dhe psikologjike, krijojmë raste të shumta gjithmonë por nuk bëjmë gol. Sot kemi luajtur shumë mirë dhe mbrapa nuk na kanë kundërsulmuar asnjëherë, penalltia ishte po e përsëris edhe njëherë. Pastaj mungesa e golit mund të jetë dhe psikologjike”.
Çfarë i mungon skuadrës?
“Për “Mental coach” nuk besoj se ka nevojë. Shoh edhe ekipet e para që u mungon goli. Arbitrat duhet të pranojnë dhe gabimet e tyre, nuk është turp, pasi ato penallti të mohuara mund të na kishin ndihmuar si me Vllazninë ashtu edhe Teutën sot”.
