Zjarri i cili ka nisur rreth orës 11:00 të paradites së sotme në Krastë të Elbasanit ka agravuar akoma më shumë. Zjarri në Kodër Krastë po shkon drejt qendrës së banuar, po kalon në aksin Elbasan-Librazhd, në fshatin Mengël.
Familjarët dhe pronarët e bizneseve në rrugën Kombëtare janë në panik, nga frika se zjarri së shpejti mund t’u afrohet edhe atyre.
Kujtojmë se për këtë ngjarje u vunë në lëvizje forca të specializuara të ushtrisë, madje edhe deputeti i Partisë Socialiste, Taulant Balla u tregua i gatshëm të ndihmonte.
Por edhe në orët e mbrëmjes, zjarri jo vetëm që nuk është shuar, por është përhapur edhe më shumë.
Nga flakët e zjarrit janë djegur disa hekrarë me pyje. Masivi pyjor i Krastës i cilësuar ndryshe edhe si mushkëria e Elbasanit prej 161 hektarë që shërben edhe si një nga Parqet e këtij qyteti përbëhet me pyje pishe artificiale dhe 29 hektarë shkurre natyrale. Vijon… (D.D/Shuplaka)
