Kreu i Partisë Agrare Ambientaliste, Agron Duka, i ftuar në “Fax News” ka deklaruar se partia e tij është dëmtuar për shkak të hyrjes në zgjedhje nën siglën e PD-së por ai nuk është i penduar.
Duka tha se zgjedhjet ishin të manipuluara dhe se në Sukth, në zonën e tij, kishte dhe përplasje fizike.
“Nuk jam pemduar se pse hyra nën siglën e PD-së, por koha vërtetoi se hyrja e partivëe të vogla nën siglën e PD-së ishte një gabim, gjykoj se anëtarët e partisë agrare do të ishin më më te motivuar nëse do ishim vetëm.
Por zgjedhjet ishin të manipuluara dhe nuk i afrohen realitetit, 8-4 për PS-në nuk e kishte parashikuar as PS. Vetëm ditën e zgjedhjeve në Katundin e ri në Sukth pothuajse ka patur përplasje fizike se votuesit tanë ishin të frikësiuar, komisionerët tanë nën zë na thonin se jemi të kërcënuar, jam munduar të bëj dicka aq sa munda, por Durrësi dhe gjithë Shqipëria nuk kanë pasur rezultat të drejtë.
Në të gjitha sondazhet renditja që i kishin dhënë partisë Agrare ishin fitues. Unë nuk besoj se Basha kishte hyrë për të humbur dhe unë isha në listë fituese, por nuk u penalizova vetëm unë por krejt e djathta edhe PD-ja.
Edhe me koston që kishte unë kam qenë që forcat politike të hynin në zgjedhje pasi nuk duhej të krijoheshin përplasje në Shqipëri dhe të kishte destabilitet.
Raporti personal nuk ka rëndësi fare me Bashën”, tha Duka në “Fax News”. (B.H/Faxweb)
Discussion about this post