I ftuar në emisionin “Xing me Ermalin” në Tv Klan, kreu i Partisë Agrare Ambientaliste, Agron Duka tha se edhe në zgjedhjet e 18 Qershorit do të hyjë me PD-në.
Përveç kësaj, Duka pranoi publikisht se Kryeministri Edi Rama e ka ftuar të bëhet pjesë e koalicionit të majtë, por ai e ka refuzuar kërkesën e tij.
“A ta ka lyp Rama ndonjëherë?”, ishte pyetja e Ermal Mamaqit.
Agron Duka i përgjigjet: “Ma ka lyp edhe publikisht bile. Ne kemi pirë një kafe bashke para 3-4 muajsh, një nga temat ishte edhe e lypmja (politikisht them që se kshu s’të jap ndonjë…) PS vazhdimisht na thotë që ju jeni parti me prejardhje të majtë, ju mirëpresim që të hyjmë në zgjedhje bashkë. Kjo është e lypmja. Herën e fundit ma ka lyp përmes Ballës në konventën e Partisë Agrare Ambientaliste. Përgjigja ishte që ne jemi në aleancë me PD do vazhdojmë të shkojmë në zgjedhjet parlamentare me to.”
Ndër të tjera, Duka kujton kohën kur ai vendosi t’i futej seriozisht politikës, dhe tregoi se nxitësi numër 1 i tij ka qenë ish-kryeministri Fatos Nano.
“Edhe kur kam hy në politikë kam hyrë i sforcuar, kam hyrë nga një njohje personale me Fatos Nanon, por pasi hyra, kur ke marrëdhënie personale me njerëzit kur ke mundëësi të bësh ndere, kjo të bën të lumtur. Kurrë s’kam menduar se unë mund të jepja kontribut në politikë.”, është shprehur Duka.
Pas këtij rrëfimi, Ermali si gjithmonë vazhdon me pyetjet e veta: “Të ka marrë malli për kohën e Fatos Nanos?”
Por si është përgjigjur Duka do thoni ju?
“Sigurisht unë njohjet personale, futja në politikë ka qenë prej Fatos Nanos, keshtu qe atëher isha më komod, kam qenë ministër, njeri i fuqishëm, anëtar i kabinetit qeveritar.”, është shprehur ai. (D.D/Shuplaka)
