Kreu i Partisë Agrare Ambientaliste Agron Duka, i cili mbrëmjen e sotme është i ftuar në emisionin “Opinion” të gazetarit Blendi Fevziu, ka zbuluar prapaskenat e marrëveshjes Rama-Basha, e cila u finalizua sot.
Ndërsa fliste për marrëveshjen, Duka shtoi se i ka dërguar Ramës një mesazh ku e ftonte të merrte pjesë në takim, mirëpo përgjigja që kishte marrë nuk ishte shumë e qartë.
“Ne e morrëm inisiativën për të thirrur në tyrezë partitë politike duke parë ngërçin. Në konsultë njëri me tjetrin edhe pse nuk kishim shumë besim që do vinin të gjithë. Me Ramën u mora unë, i nisa një mesazh dhe mora një përgjigjie evazive. Nga përgjigjia unë kuptova që nuk do të vinte.
Kur erdhi i thash mendova që nuk do të vije. Ai më tha, unë nuk thash kështu. Kur erdhi tha, kam ardh prej Agron Dukës se po të ishte për ju nuk vija”, tha Duka.
Ndër të tjera, kreu i PAA-së tha se Rama ishte kundër Paketës që ishte paraqitur në tryezë, madje mbi të gjitha ishte kundër shtyrjes së zgjedhjeve. Në fakt këtë e ka deklaruar edhe vetë Rama publikisht. (D.D/Shuplaka)
Discussion about this post