I ftuar në emisionin “Kjo Javë”, të gazetares Nisida Tufa, ish-zv.drejtori i Përgjithshëm i Policisë së Shtetit, Agron Kuliçaj, flet për atentatin e mundshëm ndaj liderit të opozitës, Lulzim Basha. Lajm i cili qarkulloi në media gjatë ditëve të fundit.
“Jam vënë në dijeni për këtë situatë, por z.Basha mban atribute të rëndësishme në vend, është lideri i opozitës, dhe kështu të tilla gjëra mund të ndodhin. Por duke qenë se vendi është në prag zgjedhjesh, rendi dhe siguria janë në një pikë kritike”, deklaroi Kuliçaj.
Mirëpo sipas tij, kryeministri Edi Rama nuk e ka marrë seriozisht kërcënimin. Për këtë arsye ai i kujton atij, një ngjarje pas 21 janarit të vitit 2011-të, i cili gjithashtu ishte kërcënuar, ngjarje për të cilën policia ishte kujdesur me seriozitet.
“Unë i deklaroj z.Rama, pas ngjarjes së 21-janarit, ka pasur kërcënim nga një person që iu dogj makina tek piramida. Ai i tha: “Dua të më kthesh vlerën e mjetit”. Ne morëm masat e nevojshme për Ramën, dhe kapëm shantazhuesin që edhe pse nuk ishte kërcënim serioz, morëm të gjithë masat. Por, sot kryeministri nuk po sillet seriozisht mbi këtë çështje,” deklaron Kulicaj. (D.D/Shuplaka)
Discussion about this post