Kreu i Partisë “Lëvizja Socialiste për Integrim” Ilir Meta, së bashku me bashkëshorten e tij, Monika Kryemadhi kanë festuar mbrëmjen e fundvitit me anëtarët e partisë, kryesisht të rinjtë e LSI.
Mbrëmja e zhvilluar ditën e djeshme ka pasur slogan kryesor “Dua Shqip” dhe “Një shans për të gjithë”. Përveç të rinjëve që ishin të shumtë në numër, në këtë festë nuk kanë munguar as personazhe të njohur të medias, si Fjori Dardha, Iris Luarasi dhe të tjerë miq të çiftit Meta.
Kreu i LSI-së sapo u ngjit në skenë për të mbajtur fjalimin, u brohorit dhe duartokit nga të pranishmit, ku disa prej tyre ishin veshur dhe si babagjyshë.
Një tjetër detaj interesant ishte vajza e tyre, Era, e cila ngriti në këmbë të gjithë të ftuarit teksa mori mikrofonin dhe interpretoi një këngë të këngëtares australiane Sia. E ftuar speciale në këtë mbrëmje ishte këngëtarja e sukseshme tiranase, Artiola Toska që krijoi një atmosferë tejet të veçantë në skenë ku nuk munguan kënget dhe veshjet tradicionale.
[ngg_images source=”galleries” container_ids=”333″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
