Në ditën e 12 të protestës së opozitës në “Sheshin e Lirisë”, akuzat e opozitës u përqëndruan në trafikun e drogës, kanabizimin e qeverisë, shkarkimin nga detyra të policëve për të vendosur aty të inkriminuar, njerëz të Ramës dhe Tahirit.
I pranishëm mes të tjerëve në mbledhjen e sotme të opozitës dhe mbështetësve të saj, ishte dhe ish-Drejtori i Përgjithshëm i Policisë, Ahmet Prençi.
Por vëmendje tërhoqi një qytetar me emrin Klodian, ish-punonjës në plantacionet e drogës, i cili solli dëshminë e skllavërimit të njerëzve të varfër në industrinë e drogës.
“Unë pak kohë më parë vrava frikën dhe sot e kam vrarë përfundimisht dhe vij për të denoncuar në emër të fëmijës tim fenomenin e kanabisit. Unë personalisht nuk kam qenë ndonjëherë në shtet por jam marrë me punët e mia të ndërtimit, me gjëra të vogla.
Një vit më parë bashkë me disa shokë të mi mendonim sit ë ushqenim familjet tona. Shokët e mi lanë punën, lanë lopatat dhe shkuan drejt maleve për të mbjellë drogë qoftë edhe me të këmbyer, qoftë me dhënë farën, qoftë për të shërbyer. Por çfarë ndodh?! Ata u zhgënjyen aq shumë e mua më vjen keq. Unë nuk e kam pranuar këtë punë. Dy rrugë ka këtu ose të merresh me kanabis ose të shkosh jashtë shtetit.”, ka rrëfyer ai.
Pas kësaj dëshmie, mbetet për t’u parë nëse policia do të hetojë konkretisht për këtë rast, nëse do ta marrë këtë qytetar në cilësinë e dëshmitarët për të hetuar rastin konkret për të cilin ai foli sot përpara Bashës dhe mbështetësve të tjerë të opozitës. (XH.A/SHUPLAKA)
Discussion about this post