Protestuesit në çadrën opozitës shpërthyen sot në brohoritje pas deklaratës së kryeministrit Edi Rama, se ka vendosur tërheqjen nga gara të kandidatit për zgjedhjet për kreun e Bashkisë Kavajë.
Ministri i Financave, Arben Ahmetaj, ironizon festimet në çadrën e protestës përmes një fotoje në rrjetet sociale, ku shkruan: “Ke parë çadër që gëzon për humbjen ti vëlla?!”.
Pak orë më parë, lajmin për tërheqjen nga Kavaja e bëri me dije vetë kryeministri.
“Kavaja nuk do të bëhet sheshi për përsheshin, unë do t’i sugjeroja kandidatit tonë të tërhiqej. Po ashtu edhe kandidatit tjetër të pavarur. Kjo është për të luajtur gurin e fundit, deri në 7 maj do të përpiqem që ta bind PD që të marrë pjesë në zgjedhjet e 18 qershorit.”, theksoi sot Rama në deklaratën e tij nga Kryeministria, duke shtuar se ka plan për destabilizimin e Shqipërisë.
Pas këtij lajmi, protestuesit në çadrën e opozitës kanë reaguar me brohoritje, fishkëllima, si edhe thirrje ”Rama ik”. (D.D/Shuplaka)
Discussion about this post