Vetëm pak muaj para zgjedhjeve Edi Rama ka larguar nga doganat zv.drejtorin e përgjithshëm Besmir Qibini, krahu kryesor i Sajmir Tahirit.
Qibini u vendos atje rreth një vit më parë si pjesë e marrëveshjes mes Ministrisë së Brendshme dhe ministrisë së Financave.
Para se të marrë këtë detyrë, Qebini mbante detyra të rëndësishme në policinë e shtetit.
Menjëherë sapo Ministri Ahmetaj e shkarkon Qebinin nga dogana, ministri Tahiri e ka emëruar Drejtor Kufiri në Vlorë. Duket se klanet brenda qeverisë po ashpërsojnë luftën ndaj tyre. Më parë një tjetër e besuar e Saimir Tahirit u largua, bëhet fjalë për drejtoreshën e përgjithshme të tatimeve Briseida Shehaj dhe më vonë gjithë njerëzit e saj të besuar.
Pas Shehajt vjen largimi i Qibinit ç’ka do të thotë se “beteja” brenda llojit mes ministrit të financave Arben Ahmetaj dhe Saimir Tahirit bëhet dhe më e ashpër.
