Dita e sotme shënon një ditë të veçantë për të gjithë mësuesit. Dija dhe mësimdhënia janë shumë të rëndësishme për çdo shoqëri, prandaj figura e mësuesit do të mbetet përherë shumë e rëndësishme.
Po me kalimin e kohës kjo festë është kthyer më shumë në ‘’stres’’ për nxënësit, me mendimin për të blerë një dhuratë të veçantë që të kënaqë mësuesit e tyre.
Profesori dhe akademiku Artan Fuga shoqëruar me urimin për festën ka dhe një koment për mësuesit e ‘’korruptuar’’.
Ai i ka ftuar nxënësit që të bëjnë një test nëse mësuesit kërkojnë më shumë sesa një lule atëherë ata janë të korruptuar dhe hajdutë.
‘’Gëzuar 7 marsin!
Ai mësues ose ajo mësuese që sot pranon më shumë se një lule ose disa lule të mbledhura në fusha nga nxënësit e vet ose edhe të blera te cepi i rrugës te gruaja që i shet me dhimbjen e varfërisë, është :
i korruptuar
hajdut
kleptomane
hakamarrëse
Provokojini të dashur nxënës këta dhe njihini se çfarë janë! Pastaj hidhjuani brrekët, sutjenat, buzëkuqet, furçat e rrojes në kokë!
Ata e meritojnë po të jenë të tillë!
Sikurse përuluni me nderim dhe respekt për mësuesit dhe mësueset tuaja të vërteta, ata dhe ato, patriotet, ushqyeset e kombit me dije, udhërrëfyesit tuaj, ata që e kanë për detyrë t’u japin dritë !’’, shkruan Fuga. (E.K/SHUPLAKA)
Discussion about this post