Kryetari i PD-së Lulzim Basha është përfshirë në një debat të ashpër në distancë me kryebashkiakun e Durrësit Vangjush Dako të cilin e akuzon për lidhje me grupet kriminale.
Por kryebashkiaku i Durrësit i është përgjgijur fortë, madje duke përdorur edhe një gjuhë fyese ku e quan Bashën “Toç i Saliut”.
I pyetur në “Zonë e lirë” nga Arjan Çani se përse nuk i kthentë përgjigje të fortë Dakos me të njëjtën gjuhë, Basha tha se kjo do t’i bënte nder vetëm Ramës dh jo publikut pasi do të zhvendosej debati nga thelbi i vërtetë dhe se përbaltja e tjetrit është edhe e trashëguar nga sistemi komunist .
‘Nëse unë merrem me njerëz që në vend të argumentave lëshohen me një fjalor harbut. Në vend që ti përgjigjen akuzave të cilat janë të faktuara, sepse çfarë kam thënë për Tahirin, Xhafajn, Roshin dolën të vërteta, çfarë të kam thënë për Dakon ka dalë e vërtetë. E vërteta është se këta janë bandë. Të futësh në burg një baba i cili nuk ka mundësi të paguajë faturat dhe të lësh në kreu të Durrësit një njeri i cili bashkëpunon me bandat për të vjedhur votat e qytetarëve. Dje doli një dokument se Dako kishte 4 muaj që fliste me banditët, kishte një lidhje të fortë me Avdylajt. Ky është një politikan bandit. Ka dy gjëra që nuk i përgjigjem, ajo diktatura ka lënë disa vrraga në shpirtin e disa njerëzve, por edhe tjetra është se ajo ishte gjuhë komuniste. Nëse unë i përgjigjem me të njëjtin fjalor unë i kam bërë një shërbim të madh Edi Ramës. Nëse zhgërryhesh dhe ti me derrin bëhesh dhe ti me baltë’, -deklaroi Basha.
Basha tha se do ta shkërmoqte “malavitën” që sipas tij është në pushtet.
“Gjëja e parë që duhet të bëjmë është të ndajmë politikën nga krimi, njëra është që po ndjekim ne, e denoncimit, deri sat ë shkojmë tek Edi Rama dhe rruga e tjetër është ajo që kemi propozuar vetingu i politikanëve. Vetingu i politikanëve do të largojë pikërishte këta politikanë të lidhur me krimin”, tha Basha, duke shtuar “Malavitën do ta shkërmoqim”
(B.H/Faxweb)
