“Një zotëri fisnik”, janë këto fjalët e gazetares Aida Shtino, teksa tregon njohjen dhe miqësinë e saj prej shumë vitesh me presidentin e Fax News, Kasem Hysenbelliu, i cili u nda nga jeta mëngjesin e sotëm në Turqi, ku po trajtohej pas infektimit nga Covid 19.
Shtino shprehet se Hysenbelliu ishte presidenti që merrej me këdo, nga drejtuesit, te gazetarët, teknikët e sanitarët, pa lënë pas dore askënd dhe asnjë detaj.
“Sot në mëngjes jam zgjuar në mëngjes me një lajm që nuk do të doja ta dëgjoja. Njohja jonë është prej shumë vitesh, që në momentet e emisionit ‘Njerëz të humbur’. Pak ditë para se të nisja emisionin, ne kemi pasur një takim, ka qenë një zotëri fisnik i cili ishte vizionar i medias në Shqipëri, ka qenë nga ata personazhe që kanë tentuar të ndërtojnë media, dhe ia ka arritur qëllimit, vetë me forcat e tij.
Jam koshiente për këtë në momentin kur unë kam hyrë në Fax news, e ka mbajtur me mish edhe me sjhpirt, vuri pasionin e tij, me të cilin na tërhoqi të gjithëve si magnet. I përcjell ngushëllimet e mija Kelës, bashkëshortes së tij.
Unë e zgjodha Faxin se është një familje e lirë, duke qenë se kam punuar në mediat e tjera e di shumë mirë, që liria këtu është meritë e Kasemit, krijoi një media e cila ndiqet në të gjithë botën.
Gjithe stafit që na mbeti pas na mbeti që të çojmë para punën dhe misionin e tij. Ishte fat për të gjithë ne që e njohëm dhe punuam me të, Kasem Hysenbelliu ishte president i një media të vërtetë, dhe gjithçka ta thoshte në sy. Unë do ta falenderoj gjithnjë për mundësinë që më dha për ta realizuar këtë projekt të ri, së bashku me Kasemin dhe Petrit Becin, u ulëm dhe thamë që do të nisim këtë mision të ri, të emisionit Identitet”, u shpreh Shtino.
(E.K/Faxweb.al)
