Prej kohësh Ajola Xoxa ka humbur nga radari mediatik. Nëse deri para disa kohësh ishim mësuar duke e parë përkrah të shoqit në daljet e tij publike dhe emisionet televizive tashmë duket sikur Ajola me qëllim është larguar nga vëmendja mediatike.
Bashkëshorten e kryetarit të bashkisë së Tiranës, Erion Veliaj e njohëm si juriste, por tashmë e kemi vënë në pikëpyetje profesionin e saj.
Çfarë pune po bën Ajola?
Në nëntor të vitit që lamë pas dy këngëtarë të famshëm shqiptarë publikuan projektet e tyre muzikore dhe si për rastësi të dy këto projekte mbanin prekjen e Ajola Xoxës.
Fillimisht ishte Miriam Cani e cila i besoi Ajolës konceptimin e klipit të këngës “Meteor”. Kjo ishte eksperienca e cila theu akullin për t’u pasuar nga një tjetër klip kënge i ideuar nga Ajola.
Vetëm 3 ditë pas klipit të Miriamit këngëtari Andos publikoi klipin e këngës “How does it feel” ideatorja e të cilit ishte përsëri Ajola.
Pas këtyre dy eksperiencave qarkulluan fjalë se Ajola Xoxa do të ishte ideatorja e klipit zyrtar të këngës përfaqësuese të Shqipërisë në Eurovizion. Bëhet fjalë për produktin muzikor “Mall” nga këngëtari Eugent Bushpepa.
Fjalët rezultuan të vërteta pasi ishte pikërisht Ajola e cila i kishte vënë vulën e saj edhe këtij klipi i cili deri tani duket se është pritur mjaft mirë nga publiku dhe këtë na e tregojnë komentet pozitive në Youtube.
Por përtej shijes së mirë dhe punës në këto klipe ne na lind një pyetje:
Mos vallë Ajola tashmë ka ndërruar profesion?
Referuar profilit të saj në Linkedin na rezulton se aktualisht bashkëshortja e kryebashkiakut Veliaj vazhdon të ushtrojë profesionin e juristes në një kompani të quajtur The Partners Law Firm.
Ama pas këtyre tre eksperiencave të njëpasnjëshme muzikore mendja na shkoi se Ajola e ka lënë profesionin e juristes për t’ju futur me kohë të plotë ideimit të klipeve. Kjo përshtypje që ne patëm nuk është rastësore pasi Ajola dikur ka qenë pjesmarrëse në spektaklin “Kërkohet një yll” dhe lidhja e saj me artin ka filluar shumë më herët nga sa mund ta mendoni./Anabel.al
