Kryetari i Bashkisë së Tiranës, Erion Veliaj, ka ndarë me ndjekësit e tij në “Facebook”, momente nga festimet e 14 Marsit në Tiranë, që korrespondoi me Ditën e Verës dhe inaugurimin e “Pazarit të Ri” të rikontruktuar.
Mes dhjetëra fotove, ajo që bie në sy është fotografia ku Ajola Xoxa shihet duke puthur bashkëshortin e saj në publik. Dhe kjo foto është e para e renditur në albumin e shpërndarë nga kryebashkiaku.
Nuk bëhet fjalë për një puthje të mirëfilltë në buzë mes çiftit. Flitet për një puthje në faqe, teksa Erion Veliaj është fotografuar symbyllur. Por ata nuk janë vetëm. Kryetari i Bashkisë së Tiranës mban në krahë një vogëlushe.
Çifti është komentuar shpesh për shtimin e familjes së tyre me një pjesëtar të ri, por deri më sot, ata janë treguar përgjithësisht të kujdesshëm në publik, ndërkohë që kjo foto plot dashuri e tyre, e “ka thyer” këtë rregull.
(XH.A/SHUPLAKA)
Discussion about this post