Akademia jonë e shkencave, pasqyra më e mirë e gjendjes ku është dija në Shqipëri

NGA KLODIAN TOMORRI

Akademia, si pasqyrë e mjerimit të shkencës

Akademia jonë e shkencave është pasqyra më e mirë e gjendjes ku është dija në Shqipëri.

Ne mund të jemi një nga vendet me numrin më të lartë të shkencëtarëve me titull për frymë popullsie. Titujt shkencorë në Shqipëri janë hë për hë një nga mallrat më të inflacionuar në treg.

Por kur është hera e fundit që ne kemi parë ndonjëherë në shtyp, media apo platforma të tjera publike një debat profesorësh mbi çështje që kanë të bëjnë me interesin publik? Kur është hera e fundit që i gjithë aparati ynë shkencor ka prodhuar një dokument, studim apo ëorking paper ku të japë zgjidhje apo këshilla për çështje publike? Nuk ka.

Nëse hap gazetat amerikane shpesh në faqet e tyre të para ndodhin disa nga përplasjet më të forta shkencore mes shkollave apo rrymave të ndryshme të mendimit. Në Europë, trupat akademike janë një faktor shumë i rëndësishëm, me ndikim përcaktues në vendimarrjen publike. Në Shqipëri, akademikët më së shumti mbajnë vetëm titullin dhe kapin ndonjë bord.

Një pjesë e akademikëve ngurojnë të bëhen pjesë e debatit publik për arsye se ruajnë ekuilibra apo interesa. Një pjesë tjetër nuk bëjnë se nuk dinë. Akademia është pasqyra e të gjithë kësaj gjendjeje. Ndaj nuk ka pse të çudisë askënd. 
Siç thotë populli ynë, ky stan këtë bulmet ka.