Një aksident automobilistik është shënuar ditën e sotme në afërsi të tunelit të Shkopetit.
Mësohet se autobusi i linjës Burrel-Tiranë është përplasur me një automjet tip “Benz”, ku si pasojë kjo e dyta ka mbetur e dëmtuar.
Në vendngjarje kanë shkuar menjëherë një autoambulancë dhe një zjarrfikëse, të nisura nga Laçi.
Ende nuk ka detaje lidhur me shkaqet e aksidentit dhe gjendjen shëndetësore të pasagjerëve në autobus dhe makinë.
“Në Shkopet, një autobus është fërkuar me nje autoveturë benz. S’ka pas asnjë të dëmtuar dhe dëmtimi i mjetit ka qenë fare minimal. Për këtë të dy automjetet kanë vijuar lëvizjen. S’ka as të dëmtuar.”, bëhet me dije.
(XH.A/SHUPLAKA)
