Një aksident i rëndë ka ndodhur në Devoll dhe për pasojë dy persona kanë humbur jetën.
Një prej viktimave mësohet se ka humbur jetën në vendin e ngjarjes, ndërsa personi tjetër nuk mundi të mbijetonte dot gjatë kohës kur ishte duke u transportuar drejt spitalit.
Ngjarja ka ndodhur në fshatin Progër të Devollit. Sipas informacioneve të ‘’Shuplakës” dy personat kanë qenë duke udhëtuar pa kaskë me motor në momentin që ka ndodhur përplasja fatale.
Ende nuk ka të dhëna për identitetin e tyre. Policia ka mbërritur në vendgjarje dhe po punohet për zbardhjen e rrethanave të plota të aksidentit.
DETAJET PARAPRAKE:
Më datë 28.09.2017, jemi njoftuar se në aksin rrugor Bilisht-Korçë, pranë kryqëzimit të fshatit Progër një mjet tip “Benz” me targë AA501HV, me drejtues shtetasin P.G, rreth 55 vjeç, banues në Bilisht, është përplasur me një mjet motorr me të cilin udhëtonin dy shtetas ende të paidentifikuar, të cilët për pasojë kanë gjetur vdekjen, gjatë transportimit për ndihmë mjekësore në Spitalin Rajonal të Korçës. Grupi hetimor po punon për zbardhjen e rrethanave të ngjarjes.
(E.K/SHUPLAKA)
