Aksident i frikshëm në dalje të Tiranës, shoferi në gjendje të rëndë (VIDEO)

Një aksident i rëndë është shënuar pak minuta më parë në dalje të Tiranës pranë qendrës tregtare “Casa Italia”.

Drejtuesi i automjetit tip “Fiat” më targa AA 054 ID ka humbur kontrollin dhe është përplasur me mbrojtësen anësore të rrugës.

Është dashur ndërhyrja e forcave zjarrfikëse për ta nxjerrë drejtuesin nga automjeti. Mësohet gjithashtu se drejtuesi është në gjendje të rëndë për jetën dhe është dërguar në Spitalin e Traumës në kryeqytet.

Nga hetimet paraprake mësohet se aksidenti ka ardhur si pasojë e shpejtësisë së lartë me të cilën po udhëtonte. (A.R/SHUPLAKA)