Një aksident i rëndë ka ndodhur në Kanada. Policia ka konfirmuar deri më tani 14 të vdekur pasi një kamion dhe një autobus ku ndodhej skuadra kanadeze e Hockey për të rinj, u përplasën të premten në mbrëmje.
The Humboldt Broncos ishin në autostradë në veri të Tisdale, në provincën e Saskatcheëan.
Përmes një postimi në Twitter, kryeministri Justin Trudeau shkruan: “Nuk mund ta imagjinoj se çfarë po kalojnë këta prindër”.
Presidenti i federatës së Hockeyt u shpreh se ai ka marrë më shumë se 50 telefonata nga ana e familjarëve të cilët janë në ankth për fatin e familjarëve të tyre.
“Ka xhaxhallarë dhe mama dhe baballarë, që janë duke pritur për të dëgjuar nëse djemtë dhe nipërit e tyre janë në rregull.Është e tmerrshme. Është absolutisht e tmerrshme”, është shprehur ai.
(E.K/FAXWEB)
Discussion about this post