Një aksident i rëndë ka ndodhur pasditen e sotme në Kryebushat të Shkodrës ku ka mbetur e vdekur N.B 74 vjeç ndërsa ka mbetur i plagosur bashkëshorti i saj 67 vjeç Y.B.
Ngjarja ka ndodhur në aksin rrugor Lezhë-Shkodër, në vendin e quajtur Kryebushat, mjeti tip Benz, me targë AA208BY, me drejtues shtetasin P. K. 50 vjeç, banues në lagjen Ndoc Mazi, Shkodër, është përplasur me mjetin tip Benz, me targë AA387KJ, me drejtues shtetasin Y. B. 67 vjeç. Për pasojë gruaja ka ndërruar jetë në spital, ndërsa është shoqëruar drejtuesi i mjetit në komisariat për të dhënë dëshminë e tij.
Vendi ku ndodhi aksidenti është një zonë e njohur si “vendi i vdekjes” ku vetëm para dy muajsh në të njëjtin vend humbi jetën dy gra pasi mjeti me të cilin ato udhëtonin u godit nga një tjetër automjet.
Njoftimi i plotë
Më datë 21.06.2019, ora 19:05, në aksin rrugor Lezhë-Shkodër, në vendin e quajtur Kryebushat, mjeti tip Benz, me targë AA208BY, me drejtues shtetasin P. K. 50 vjeç, banues në lagjen Ndoc Mazi, Shkodër, është përplasur me mjetin tip Benz, me targë AA387KJ, me drejtues shtetasin Y. B. 67 vjeç, banues në Shkodër, ku për pasojë ka mbetur i dëmtuar dhe ndodhet nën kujdesin e mjekëve, si dhe pasagjerja bashkëshortja e tij N. B. 74 vjeçe, e cila ndërroi jetë në Spitalin Rajonal Shkodër.
Drejtuesi i mjetit shtetasi P. K. do shoqërohet në ambientet e Drejtorisë Vendore të Policisë Shkodër për veprime të mëtejshme.
Në vendngjarje ndodhet grupi hetimor dhe po punon për sqarimin e rrethanave të aksidentit.
F.GJ/FAXWEB.AL)
