Aksident i rëndë ajror, vdes producenti i muzikës së bashku me gruan dhe djalin 4-vjeçar/ Humbin jetën dhe 6 persona të tjerë

Një aksident tragjik i ka marrë jetën producentit të njohur muzikor, Floë La Movie.

Së bashku me gruan, djalin dhe gjashtë të tjerë humbën jetën pasi avioni i tyre privat u përplas dhe shpërtheu në flakë gjatë një ulje emergjente në Republikën Domenikane të mërkurën.

Jose Angel Hernandez, 38 vjeç, ishte në bordin e avionit Gulfstream IV kur u ngrit nga Aeroporti Ndërkombëtar La Isabela në një fluturim për në Orlando, Florida, por hasi probleme 15 minuta më vonë dhe u rrëzua në Las Americas, pranë Aeroportit Ndërkombëtar.

Aksidenti mori jetën e gruas së tij Debbie Von Marie Jimenez Garcia, 31 vjeç dhe djalit Jayden Hernandez, 4 vjeç.

Hernandez fitoi famë për këngët e tij të shumta, duke përfshirë ‘Te Bote’ me më të mirët e Amerikës Latine Bad Bunny dhe Ozuna. Ai ka organizuar dhe ka investuar në dhjetëra koncerte për reperë dhe këngëtarë latinë në Florida dhe në të gjithë Amerikën Latine.