Një aksident i rëndë ka ndodhur pak më parë në aksin Peqin-Elbasan.
Mësohet se janë përplasur tre automjete, një i tipit Benz dhe dy tip MItsubish.
Si pasojë kanë mbetur të plagosur tre drejtuesit e makinave, njëra prej të cilave ishte grua, kjo e fundit ndodhet në gjendje të rëndë.
Të plagosurit janë dërguar me urgjencë drejt spitalit të Elbasanit. Për transportimin e të plagosurve janë përdorur dy ambulanca. Shkaku i këtij aksidenti dyshohet të jetë një manovër e gabuar e njërit prej drejtuesve të mjeteve të përfshira në aksident.
Informacion paraprak:
Në aksin rrugor Elbasan-Peqin , në fshatin Pajovë, Peqin , është përplasur mjeti tip “Benz” me mjetin tip “Foristrad” dhe pasojë janë aksidentuar drejtuesi i mjetit “Benz” shtetasi Xh.Q.,57 vjeç, banues në Lushjë, dhe tre pasagjerët shtetasit M.Q., 53 vjeçe, S.K., 58 vjeçe dhe B.K., 62 vjeç, të cilët janë transportuar në Spitalin e Elbasanit, dhe ndodhen nën kujdesin e mjekëve.
Drejtuesi i mjetit Foristrad është shoqëruar në Komisariatin e Policisë Elbasan, për veprimet e mëtejshme.
Grupi hetimor ndodhet në vendngjarje dhe po punon për zbardhjen e shkakut të aksidentit.
(K.H/Faxweb.al)
