Aksident i rëndë në Bilisht, ”Benzi” kthehet përmbys. 3 të rinj të plagosur rëndë

Një aksident i rëndë ka ndodhur në orët e vona të mbrëmjes së djeshme në Bilisht, për pasojë kane mbetur të plagosur 3 të rinj.

Mjeti tip Benz me të cilin ata udhëtonin është përplasur me një mur dhe është përmbysur. Drejtuesi i mjetit ka marrë plagë më të lehta, ndërsa dy të rinjtë e tjerë paraqiten më rëndë në reanimacion.

Në Spital ndodhen shtetasit :

E.D,  22 vjeç

K.M, 22 vjeç

A.A, 22 vjeç, të tre banues në fshatin Cangonj-Devoll.

Dy të parët, ndodhen në reanimacion për momentin. Ndërsa shtetasi A.A, ndodhet jashtë rrezikut për jetën.

Detajet e policisë:

Më datë 09.09.2018, jemi njoftuar se në hyrje të qytetit të Bilishtit, drejtuesi i një mjeti tip “Benz” me targa AA107TL, ka humbur kontrollin e mjetit dhe ka dalë nga rruga.

Për pasojë ka marrë dëmtime drejtuesi, si edhe 2 pasagjere në mjet, të cilët u transportuan në Spitalin e Korçës për të marrë ndihmë mjekësore.

Grupi hetimor po punon për sqarimin e rrethanave të ngjarjes.

(E.K/FAXWEB.AL)