Një aksident i rëndë me pasojë dy viktima dhe dy të plagosur ka ndodhur mesditën e kësaj të mërkure në Borsh.
Dy makina janë përplasur me njëra tjetrën në rrugën e plazhit, dhe për pasojë dy persona kanë ndërruar jetë.
Dy të tjerë ndërkohë janë në gjendje të rëndë,
Sot, rreth orës 14:20, në rrugën e Borshit, janë përfshirë në një aksident rrugor një automjet tip “Benz” me një mjet të llojit furgon. Si pasojë e përplasjes, kanë humbur jetën në vendngjarje drejtuesi i furgonit, shtetasi K. M., rreth 60 vjeç, dhe një pasagjere në këtë mjet, e cila dyshohet të jetë bashkëshortja e tij, punohet për identifikimin e saj.
Gjithashtu, janë dëmtuar dy shtetasit që ndodheshin në automjetin tip “Benz”, konkretisht drejtuesi i mjetit, shtetasi M. Q., dhe pasagjeri, shtetasi P. A., të cilët po transportohen në spital për ndihmë mjekësore.
Grupi hetimor po punon për sqarimin e plotë të rrethanave të aksidentit.
