Aksident i rëndë në Fier, 21-vjeçari përplas me ”Benz”-in e tij fëmijën e mitur

Një aksident i rëndë ka ndodhur para pak minutash në qytetin e Fierit. S., 21 vjeç, ka goditur me mjetin e tij ‘’Benz” një fëmijë tre vjeçar, i cili ndodhet në gjendje të rëndë për jetën në spitalin e Fierit.

Dyshohet se drejtuesi i mjetit të ketë qenë me shpejtësi të madhe në momentin që ka goditur fëmijën.

Ndërkohë mësohet se fëmija ndodhet në gjendje kome dhe se ka dëmtime në kokë dhe po ashtu brinjë të thyera. 

Aksidenti ka ndodhur në në aksin rrugor Strum-Suk, në fshatin Suk, ndërsa grupi hetimor po punon për zbardhjen e rrethanave dhe shkaqeve të ngjarjes.

Detajet e Policisë:

Në datën 29.09.2017, rreth orës 15:15, në aksin rrugor Strum-Suk, në fshatin Suk, mjeti tip “Benz” me targa FR 4741 D me drejtues shtetasin Nikolin S., 21 vjeç, banues në fshatin Suk, ka goditur një fëmijë të mitur 3 vjeç i cili ishte duke kaluar rrugën. I mituri ndodhet në Spitalin Rajonal Fier në gjendje të rëndë. Shtetasi Nikolin S. është shoqëruar në Stacionin e Policisë Roskovec. Grupi hetimor po punon për zbardhjen e rrethanave dhe shkaqeve të ngjarjes.

(E.K/SHUPLAKA)