Aksident i rëndë në Fier, makina përplas 11 vjeçarin (Detaje)

Një aksident ka ndodhur ditën e sotme në fshatin Fermë Çlirim. Siç njofton policia, një 33 vjeçar me iniciale A.Xh ka aksidentar të miturin 11 vjeçarin me iniciale M.G. 33 vjeçari sipas policisë po udhëtonte me mjet tip “Skoda”, në momentin e përplasjes. Por siç bën me dije policia, ai nuk e ka braktisur të miturin, por e ka shoqëruar në Spitalin Rajonal të Fierit.

Më pas për shkak të plagëve të marra 11 vjeçari është dërguar në Spitalin e Traumës Tiranë për mjekim më të specializuar, ndërsa drejtuesi i mjetit është shoqëruar në Komisariat.

Njoftimi i policisë

Në datën 13.09.2018, në orën 15:10, në rrugën Fier-Seman, në fshatin Fermë Çlirim, shtetasi A.Xh, 33 vjeç, banues në Seman, duke drejtuar mjetin tip “Skoda”, ka aksidentuar shtetasin e mitur M.G, 11 vjeç, banues në fshatin Dërmënas Fier, të cilin e ka shoqëruar në Spitalin Rajonal Fier.

Shtetasi i mitur u dërgua në Spitalin e Traumës Tiranë për mjekim më të specializuar. Drejtuesi i mjetit u shoqërua në Komisariatin e Policisë Fier dhe po kryhen veprimet proceduriale . Grupi hetimor po punon për zbardhjen e plotë të rrethanave të ngjarjes.

(J.D/Faxweb.al)