Aksident i rëndë në Fushë-Krujë, makina godet dhe tërheq zvarrë gruan (EMRI)

Një aksident i rëndë ka ndodhur në aksin Tirane- Fushkrujë në afërsi të fshatit Larushk.

Një autoveture tip Benz me targa AA 222 FY ka goditur një kalimtare. Fax News raporton se gruaja po ecte anash rrugës kur është goditur e marrë zvarre për rreth 100 metra nga makina e cila e ka zënë poshtë.

Sipas dëshmitareve, gruaja quhet Burbuqe Dervishi dhe është shoqëruar nga drejtuesi i makinës për në spitalin e Traumës në Tiranë, por nuk ka mundur që t’u mbijetojë plagëve të marra dhe ka ndërruar jetë.

Duhet theksuar se po në këte pikë është personi i tretë që humb jetën në harkun kohor të një muaji. Ndonëse është qendër e banuar, është kthyer në një pikë të nxehtë për aksidente pasi nuk ka asnjë llojë sinjalistike apo vizimi ndonëse firma paguhet rregullisht.

Informacion paraprak.

Më datë 04.05.2018, rreth orës 21:30 në aksin rrugor Fushë Krujë–Tirane, në fshatin Larushk, mjeti me targa AA 222 TY, me drejtues shtetasin K.D. ka aksidentuar shtetasen këmbësore B. D. 40 vjece, e cila ka ndërruar jetë në Spitalin e Traumës Tiranë.

Drejtuesi i mjetit është shoqëruar nga Oficerët e Policisë Gjyqësore, i cili do pyetet rreth rrethanave të ngjarjes, me qëllim zbardhjen e plotë të saj dhe kryerjen e veprimeve të mëtejshme procedurale.

(M.Q/Faxweb)