Aksident i rëndë në Itali, humb jetën 20-vjeçari shqiptar (EMRI+FOTO)

Një aksident i rëndë ka ndodhur mëngjesin e ditës së sotme në Itali si pasojë e të cilit ka humbur jetën një 20-vjeçar shqiptar.

Bëhet e ditur se Manuel Toska ishte duke drejtuar mjetin e tij tip “Alfa Romeo 147” në rrugën provinciale që lidh Gallipoli me Sannicola, kur ka humbur kontrollin pranë fshatit Chiesanuova.

I riu po udhëtonte me makinën në pronësi të babait të tij në kohën kur doli nga rruga dhe përfundoi e përplasur me një pemë,.

Disa  shoferë në rrugë dhanë alarmin duke kërkuar ndihmën e policisë dhe ambulancës për të transportuar të riun në spital, shkruan TCH.

Ndihma e shpejtë që ju dha 20-vjeçarit ka rezultuar e kotë, pasi ai kishte ndërruar jetë.

Nga hetimet, rezulton se i riu ishte duke nxituar për të arritur në vendin e tij të punës, në një supermarket.

(F.GJ/FAXWEB.AL)