Katër shqiptarë kanë mbetur të plagosur në Itali për shkak të një aksidenti rrugor. Makina e tyre ka humbur kontrollin dhe ka dalë nga rruga.
Aksidenti ndodhi mbrëmjen e së hënës, në autostradën A21 në Manerbio, Itali, kur shqiptarët ishin duke udhëtuar drejt Brescia.
Mediat italiane shkruajnë se një prej shqiptarëve ndodhet në gjendje më të rëndë, kurse tre të tjerët janë jashtë rrezikut për jetën në spital.
Nuk dihet identiteti i tyre, por mediat italiane shkruajnë se të gjithë shqiptarët janë muratorë. Mbeten ende mister shkaqet e aksidentit, teksa policia po heton.
(E.K/FAXWEB.AL)
