Aksident i rëndë në Kavajë, makina përplas çiftin me motor, vdes burri

Një aksident i rëndë ka ndodhur ditën e sotme në aksin rrugor Kavajë-Rrogozhinë. Si pasojë një person ka humbur jetën dhe një tjetër është plagosur rëndë.

Sipas policisë, mjeti tip “Benz”,  me drejtues shtetasin L.E., 46 vjeç është përplasur me mjetin tip motor (pa targa) ku si pasojë e përplasjes, drejtuesi i mjetit tip motorr, shtetasi N.S., 64 vjeç, ka gjetur vdekjen e menjëhershme, ndërsa bashkëshortja e tij,shtetasia Sh.S., 60 vjeçe (pasagjere në mjetin tip motorr) është dëmtuar rëndë dhe është dërguar për ndihmë mjekësore në spitalin e Durrësit.

Drejtuesi i mjetit tip “Benz”, shtetasi L.E., është shoqëruar në ambientet e policisë Kavajë për veprime të mëtejshme proceduriale.

Grupi hetimor në vendngjarje po punon për përcaktimin e rrethanave dhe shkakut të aksidentit.

(B.H/Shuplaka)