Aksident i rëndë në Korçë, plagosen 4 persona

Një aksident i rëndë ka ndodhur pak minuta më parë në aksin rrugor Korçë-Bilisht si pasojë e të cilit janë plagusur 4 persona.

Aksidenti ka ndodhur në vendin e quajtur Cangonjit ku dy mjete janë përplasur me njëri-tjetrin duke shkaktuar 4 të plagosur emrat e plotët të të cilëve nuk janë bërë të ditur.

Personat e plagosur mësohet se janë dërguar për ndihmë mjekësore në Spitalin e Bilishtit dhe m%sohet se ndodhen jashtë rrezikut për jetën.

Ndërkohë Policia po merret me zbulimin e shkaqeve dhe rrethanave që shkaktuan këtë aksident të rëndë i cili mund të kishte qenë me pasoja tragjike.

Informacioni i Policisë:

Më datë 16.07.2019, në aksin rrugor Devoll-Korçë, në afërsi të fshatit Cangonj, ka ndodhur një aksident ku janë përplasur një mjet tip furgon me drejtues shtetasin L.M, 37 vjeç, banues në Shkodër, me mjetin tip “Benz” me drejtues shtetasin P.D, 54 vjeç banues në Bilisht.

Për pasojë janë dëmtuar 4 shtetas konkretisht, drejtuesi i mjetit tip furgon shtetasi L.M; dy pasagjerët në këtë mjet shtetasi B.T, dhe shtetasja E.T, banues në Shkodër, si edhe shtetasi A.N, banues në Bitinckë, pasagjer në mjetin tip “Benz”, të cilët ndodhen jashtë rrezikut për jetën.

Grupi hetimor po kryen veprimet proceduriale dhe po punon për sqarimin e shkaqeve të aksidentit.

(F.GJ/FAXWEB.AL)